الصفحة الرئيسية › قضايا و حوادث

قضايا و حوادث عائلة توجه رسالة عاجلة الى وزير التربية تكشف فيها تفاصيل تعرض ابنتها الى حادث خطير

توجهت احدى العائلات برسالة لوزير التربيّة كشفت فيها تفاصيل تعرض ابنتها سارة الى حادث خطير خلال حصة رياضة بمعهد المنزه 8. وهذا ما جاء في رسالة العائلة:

رسالة الى وزير التربية :
سارة تلميذة بالمعهد الثانوي النموذجي المنزه الثامن تتعرض لحادث و هي في حصة الرياضة مع زملائها يطيح على راسها صندوق الأهداف cage de but ويتسبب لها في جرح غائر في شكل Y على جبينها قرب العينين و في كسر سنتها الأمامية و كسور بالانف وكسر فوق العين وخدوش وزرقة على كامل الوجه واليدين... وكاد يشكل خطر على حياتها... 

الحادث هذا صار لبرشا تلامذة قبلها منهم اثنين في نفس المعهد بدرجة أقل خطورة و صار في معاهد أخرى ورغم هذا مازال الإشكال مطروح و المسؤولين ما خمموش باش يثبتوا الصناديق هذي في الأرض باش ما عادش تهدد سلامة صغيراتنا اضافة الى مخاطر أخرى موجودة في معاهدنا و زادة الحوادث هذي تبقى طي الكتمان و المؤسسات التربوية الاخرى ما تسمعش بيها و ما تفيقش بالخطر وتحاول تتفاداه

من الضروري و الأكيد أنو الوزارة تعمل مجهود لإجراء تدقيق يتعلق باحترام المعاهد و المدارس لمقتضيات السلامة و هذا باش نحميو صغيراتنا من أي خطر يهدد حياتهم و سلامتهم البدنية 

نتمناو الوزير يسمعنا و ما يطفيش الضو...على خاطر ليوم طفلة تجرحت وبقاتلها cicatrice في جبينها...غدوة ينجم تلميذ آخر يروح فيها... أنا أرضيت ضميري... وسلامة و حياة تلامذتنا في رقبتك سيدي الوزير...